Pune Corona Update : कोरोना रुग्णसंख्येत घट, 588 नवे रुग्ण तर 921 रुग्णांना डिस्चार्ज
एमपीसी न्यूज – पुण्यात कोरोनाचा रुग्णांची संख्या घटताना दिसत आहे. आज दिवसभरात शहरात नव्याने 588 नव्या कोरोनाबाधितांची तर 921 रुग्णांना डिस्चार्ज देिल्याची नोंद करण्यात आली आहे.
पुण्यात नव्याने 33 कोरोनाबाधित रुग्णांच्या तर पुण्याबाहेरील 11 रुग्णांच्या मृत्यूची नोंद झाली आहे. आजच्या नव्या संख्येसह मृतांची एकूण संख्या 8 हजार 148 इतकी झाली आहे. शहरात 996 गंभीर रुग्णांवर तर 1862 रुग्णांवर ऑक्सिजनद्वारे उपचार सुरु आहेत. तर ॲक्टिव्ह रुग्ण संख्या 7990 झाली आहे.
आजपर्यंत एकूण पॉझिटिव्ह रुग्णसंख्या 4 लाख 68 हजार 129 इतकी झाली आहे. पुण्यात आतापर्यंत एकूण 4 लाख 51 हजार 991 जणांना डिस्चार्ज देण्यात आला आहे, तर पुणे शहरात आज एकाच दिवसात 8 हजार 193 नमुने घेण्यात आले आहेत.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
