Pune news: केंद्रीय मंत्री अमित शाह घेणार दगडूशेठ हलवाई गणपतीचे दर्शन
एमपीसी न्यूज: गृहमंत्री अमित शाह येत्या रविवारी (१९ डिसेंबर) सकाळी दहा वाजता पुणेकरांचे श्रध्दास्थान असणाऱ्या श्रीमंत दगडूशेठ हलवाई गणपतीचे दर्शन घेणार असल्याची माहिती स्थायी समितीचे अध्यक्ष आणि श्रीमंत दगडूशेठ हलवाई गणपती ट्रस्टचे विश्वस्त हेमंत रासने यांनी कळविली आहे.
रासने म्हणाले, पुणे महापालिकेच्या विस्तारीत नवीन इमारतीत घटनेचे शिल्पकार डॉ. बाबासाहेब आंबेडक्‍र यांच्या पुतळ्याचे अनावरण, महापालिका हिरवळीवरील छत्रपती शिवाजी महाराज स्मारकाचे भूमिपूजन आणि शहर भाजपच्या बूथ समितीच्या कार्यकर्त्यांचा मेळावा अशा विविध कार्यक्रमांसाठी शाह पुणे भेटीवर येत असून, त्या वेळी ते गणपतीचे दर्शन घेणार आहेत. या पर्वी दोन वेळा ते सपत्नीक दर्शनाला आले आहेत. पाच वर्षांपूर्वी ५ जून २०१६ रोजी पुणे दौऱ्या दरम्यान त्यांनी गणपतीचे दर्शन घेतले होते.
