Pune News : पुणेकरांना वंदेभारत एक्स्प्रेसचा प्रवास घडणार
एमपीसी न्यूज : पुणे रेल्वे स्टेशनमार्गे दोन ‘वंदेभारत एक्स्प्रेस’ धावणार आहेत. पैकी सोलापूर ते मुंबई ‘वंदेभारत एक्स्प्रेस’चे लोकार्पण 10 फेब्रुवारीला पंतप्रधान नरेंद्र मोदी (Pune News) यांच्या हस्ते होणार आहे.त्यामुळे पुणेकरांना ‘वंदेभारत एक्स्प्रेस’चा प्रवास अनुभवता येणार आहे.
पुणे रेल्वे स्थानकातून पुणे-सिकंदराबाद आणि सोलापूर ते मुंबई या दोन मार्गांवर ‘वंदेभारत एक्स्प्रेस’ धावणार आहे. पैकी पुण्यातून पहिल्यांदा धावणाऱ्या सोलापूर ते मुंबई या एक्स्प्रेसचे उद्घाटन पंतप्रधान नरेंद्र मोदी यांच्या हस्ते 10 फेब्रुवारीला मुंबईत होणार आहे. त्याचबरोबर साईनगर ते शिर्डी या ‘वंदेभारत एक्स्प्रेस’चेही उद्घाटन पंतप्रधानांच्या हस्तेच होणार आहे.
Ravet News : डोक्याला पिस्टल लावून तरुणाला लुटले
उद्घाटनाच्या दिवशी सोलापूर स्थानकावरून दुपारी तीन वाजता ‘वंदेभारत एक्स्प्रेस’ मुंबईच्या दिशेने धावेल. पंतप्रधान मोदी छत्रपती शिवाजी महाराज टर्मिनल येथून दोन्ही रेल्वे गाड्यांना हिरवा झेंडा दाखवतील. मुंबई ते सोलापूर दरम्यान ‘वंदेभारत एक्स्प्रेस’ ताशी 110 किलोमीटर वेगाने धावेल. ती पुण्यामार्गे जाणार असल्यामुळे पुणेकरांना ‘वंदेभारत एक्स्प्रेस’चा प्रवास अनुभवता येणार आहे.
‘वंदेभारत एक्स्प्रेस सोलापूरहून सकाळी सहा वाजून पाच मिनिटांनी सुटेल. ती पुण्यात नऊ वाजता दाखल होईल. त्यानंतर ती मुंबईला दुपारी 12 वाजून 30 मिनिटांनी पोहोचेल.(Pune News) त्याच दिवशी दुपारी चार वाजून 10 मिनिटांनी ती मुंबईहून सुटेल. सायंकाळी साडेसातच्या सुमारास पुण्याला दाखल होईल. त्यानंतर सोलापूरला रात्री 10 वाजून 40 मिनिटांनी पोहोचेल. ही सेवा आठवड्यातून सहा दिवस असेल. मुंबईहून बुधवारी आणि सोलापूरहून गुरुवारी ही एक्स्प्रेस धावणार नाही.
