Talegaon : भरधाव कारची दुचाकीला धडक , दुचाकीस्वार जखमी
एमपीसी न्यूज – भरधाव वेगात जाणाऱ्या (Talegaon) कारने एका दुचाकीला धडक दिली. या अपघातात दुचाकी वरील व्यक्ती गंभीर जखमी झाली. जखमी व्यक्तीला घटनास्थळी सोडून कारचालक पळून गेला. ही घटना 17 फेब्रुवारी रोजी रात्री तळेगाव चाकण रोडवर तळेगाव दाभाडे येथे घडली.
विशाल देविदास शेलार असे जखमी दुचाकीस्वाराचे नाव आहे. याप्रकरणी पोलीस हवालदार रघुनाथ बगाड यांनी तळेगाव दाभाडे पोलीस ठाण्यात फिर्याद दिली आहे. त्यानुसार कार (एमएच 14/जेई 4496) चालकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, विशाल शेलार हे त्यांच्या दुचाकीवरून तळेगाव चाकण (Talegaon) रोडने जात होते. ते नूतन कॉलेज जवळ आले असता भरधाव वेगात जाणाऱ्या कार चालकाने दुचाकीस धडक दिली. यामध्ये शेलार गंभीर जखमी झाले. जखमी शेलार यांना घटनास्थळी सोडून कारचालक पळून (गेला असल्याचे फिर्यादीत म्हटले आहे. तळेगाव दाभाडे पोलीस तपास करीत आहेत.