Todays Horoscope 09 June 2022 : जाणून घ्या आजचे राशीफळ
आजचे पंचांग – वार – गुरुवार, दि. 09.06.2022 (Todays Horoscope 09 June 2022)
- शुभाशुभ विचार – अनिष्ट दिवस.
- आज विशेष – महेश नवमी.
- राहू काळ – दुपारी 01.30 ते 03.00
- दिशा शूल – दक्षिणेस असेल.
- आजचे नक्षत्र – हस्त.
- चंद्र राशी – कन्या.
_________________________
आजचे राशीभविष्य – (Todays Horoscope 09 June 2022)
मेष – (शुभ रंग- राखाडी)
नोकरदार मंडळी वरिष्ठांची मर्जी संपादन करू शकतील. आज अति आत्मविश्वास नुकसानास कारणीभूत होईल. आज तब्येतीच्या किरकोळ तक्रारी दुर्लक्षित करू नका.
वृषभ – (शुभ रंग- डाळिंबी)
आज तुमचा उंची राहणीमानाकडे कल असेल, विलासी वृत्ती बळावेल. कला क्रीडा क्षेत्रातील मंडळींच्या महत्वकांक्षा वाढणार आहेत. बरेच दिवसांनी तुम्हाला अपेक्षित असलेल्या प्रिय व्यक्तीचा फोन येईल.
मिथुन – (शुभ रंग – पिस्ता)
कौटुंबिक जीवन समाधानी असल्याने तुम्ही घराबाहेरही आपल्या कर्तृत्वाचा ठसा उमटवू शकाल. आज पैशाची चणचण भासणार नाही. अधिकारांचा गैरवापर टाळून कर्तव्यास प्राधान्य द्या.
कर्क – (शुभ रंग- पांढरा)
आज तुमचा बराचसा वेळ घराबाहेर जाईल. बेरोजगारांच्या भटकंतीला यश येऊन मनाजोगत्या नोकरीचे प्रस्ताव येतील. गृहिणींना वाढत्या जबाबदार्‍या पूर्ण करताना थकवा जाणवेल.
सिंह – (शुभ रंग- हिरवा)
मोठे आर्थिक निर्णय उद्यावर ढकललेत तर बरे होईल. विश्वासातील माणसाकडून विश्वासघात होण्याची शक्यता आहे. आज कोणालाही मागितलेले नसताना सल्ले देऊ नका.
कन्या – (शुभ – रंग भगवा)
आपल्या कुवती बाहेर जबाबदाऱ्या स्वीकारू नका. महत्त्वाचे निर्णय घेण्याच्या वेळी द्विधा मनस्थिती होणार आहे. एखाद्या चालू उपक्रमात अडथळा येण्याची शक्यता आहे.
तूळ – (शुभ रंग- नारिंगी)
आकस्मिकपणे आलेल्या व्यवसायिक अडचणींवर यशस्वीपणे मात कराल. इतरांनी दिलेल्या आश्वासनांवर मुळीच अवलंबून राहू नका. दिवस खर्चाचा आहे बिनधास्त खर्च करा. आज बचतीचा विचार न केलेलाच बरा.
HSC Result 2022 : पिंपरी-चिंचवड शहराचा बारावीचा निकाल 94.64 टक्के!
वृश्चिक – (शुभ रंग केशरी)
कौटुंबिक सदस्यांमध्ये सामंजस्य राहील. नोकरीच्या शोधात असाल तर इंटरव्ह्यूसाठी कॉल येतील. कार्यक्षेत्रात ध्येयपूर्तीच्या दिशेने यशस्वी वाटचाल कराल.
धनु – (शुभ रंग- स्ट्रॉबेरी)
काही मनाविरुद्ध घटना तुम्हाला बेचैन करतील. कौटुंबिक प्रश्‍नांकडे दुर्लक्ष होईल. वैवाहिक जीवनात संध्याकाळी थोडेसे मतभेद होतील परंतु त्यातून सामंजस्याने मार्ग निघेल.
मकर – (शुभ रंग- गुलाबी)
ज्येष्ठ मंडळींनी तरुणांना सल्ले देण्याचा ठेका घेऊ नये. आज तुमचा अध्यात्मिक मार्गाकडे ओढा असणे हिताचे राहील. आजी-आजोबांनी घरगुती प्रश्‍नात लक्ष न घालता नातवंडाबरोबर रमावे.
कुंभ – (शुभ रंग- मोरपंखी)
कार्यक्षेत्रात सावधगिरीने पावले टाकायला हवीत. नवीन ओळखीत लगेच विश्वास ठेवू नका. आज ताकही फुंकून पिणे हिताचे राहील. गाडी चालवताना कोणतीही रिस्क नको.
मीन – (शुभ रंग -आकाशी)
तुमचे मनोबल व आत्मविश्वास वाढवणाऱ्या काही घटना घडतील. अनेक किचकट कामे मार्गी लागतील. रिकामटेकड्या चर्चेतुन वाद होण्याची शक्यता आहे.
!! शुभम भवतु!!
श्री जयंत कुलकर्णी.
फोन – 9689165424
( ज्योतिषी व वास्तु सल्लागार)
