Today’s Horoscope 28 November 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 28 November 2023 – जाणून घ्या आजचे राशिभविष्य
आजचे पंचांग
आजचा दिवस – मंगळवार.
तारीख – 28.11.2023.
शुभाशुभ विचार – चांगला दिवस.
आज विशेष – सामान्य दिवस.
राहू काळ – दुपारी 3.00 ते 04.30.
दिशा शूल – उत्तरेस असेल.
आज नक्षत्र – रोहिणी 13.31 पर्यंत नंतर मृग.
चंद्र राशी – वृषभ.
मेष – ( शुभ रंग – चंदेरी)
आज तुमची आर्थिक बाजू भक्कम असल्याने मुलांचे हट्ट तुम्ही हौसेने पुरवाल. अनपेक्षित येणाऱ्या पाहुण्यांची उठबस अगत्याने कराल. आज मोजकेच बोलणे प्रभावी राहील.
वृषभ -( शुभ रंग- मोरपंखी)
आज तुम्ही स्वतःच्याच प्रेमात राहाल. कुठेही आपलीच मर्जी चालवण्याचा तुमचा अट्टाहास राहील. तरी महत्त्वाचे व्यावसायिक निर्णय अनुभवींच्या सल्ल्यानेच घ्या.
मिथुन – ( शुभ रंग- सोनेरी)
कुटुंबीयांच्या वाढत्या गरजा भागवताना जमाखर्चाची गणिते बिघडतील. गृहिणींना पूर्वीची बचत कामी येईल. कलाकारांचा परदेशी नावलौकिक होईल. आज प्रवास कराल.
कर्क – ( शुभ रंग – पांढरा)
लाभातील चंद्र तुमच्या मनातील एखादी सुप्त इच्छा पूर्ण करेल. मुला-मुलींचे विवाह योग जुळून येतील. आज शुभचिंता म्हणजे शुभच होईल. वाणिज गोडवा असू द्या.
सिंह – ( शुभ रंग – गुलाबी)
मित्रमंडळींना आज दुरूनच रामराम करून आज आपल्या ध्येयप्राप्तीस प्राधान्य द्याल. कार्यक्षेत्रात तुमचे महत्त्व सिद्ध कराल. विरोधकही आज मैत्रीचा हात पुढे करतील.
कन्या – ( शुभ रंग- आकाशी)
महत्त्वाच्या घरगुती प्रश्नात वडीलधाऱ्यांचे मत अवश्य घ्या. आज अति आक्रमकता नुकसानास कारणीभूत होईल. कायद्याची चौकट मोडणे महागात पडू शकते.
तूळ – ( शुभ रंग- भगवा)
नवीन व्यवसायात भागीदारांमध्ये काही तीव्र स्वरूपाचे मतभेद होऊ शकतात. जोडीदाराच्या चुका काढायची चूक आज करू नका. आर्थिक गुंतवणूक सावधपणे करा.
वृश्चिक – ( शुभ रंग – राखाडी)
कुटुंबात आज खेळीमेळीचे वातावरण असेल. आज जोडीदाराचे हट्ट पुरवण्यास तुम्ही प्राधान्य द्याल. व्यवसायात भागीदारांमध्ये सुसंवाद असून योग्य निर्णय घेऊ शकाल.
धनु – (शुभ रंग- केशरी)
नोकरीच्या ठिकाणी आज वरिष्ठ तुमच्या कामातील समर्पणाची दखल घेतील. ज्येष्ठ मंडळींना आज काही आरोग्यविषयक चाचण्या करून घ्याव्या लागतील.
मकर- (शुभ रंग- स्ट्रॉबेरी)
नोकरदारांना नोकरीत बदल करण्यासाठी उत्तम संधी चालून येतील नवोदित कलाकारांची प्रसिद्धीची हौस भागेल. जीवाची मुंबई करण्यास आज पुरेसा पैसा उपलब्ध होईल.
कुंभ – (शुभ रंग- जांभळा)
स्थावर शेतीवाडी संबंधित रखडलेले व्यवहार मार्गी लागतील. गृह उद्योग करणाऱ्या महिलांना कर्ज मंजुरी होऊ शकते. मुलांकडून पालकांच्या अपेक्षा पूर्ण होतील.
मीन – ( शुभ रंग- लाल)
आज प्रत्यक्ष कृतीपेक्षा रिकामटेकड्या गप्पांमध्ये तुमचा बराच वेळ फुकट जाईल. सामाजिक कार्यकर्ते गरजूंच्या कामे येतील. आज शेजारी आपलेपणाने डोकावतील.
श्री जयंत कुळकर्णी.
ज्योतिष व वास्तु शास्त्र सल्लागार.
फोन – 9689165424.