Uddhav Thackeray : राज्यपालांना तुरुंगात जाण्याची वेळ आली आहे

एमपीसी न्यूज : काल एका भाषणादरम्यान, महाराष्ट्राचे राज्यपाल भगतिसंग कोश्यारी वक्तव्य केले, कि “जर गुजराती आणि राजस्थानींना महाराष्ट्रातून, विशेषत: मुंबई आणि ठाण्यातून काढून टाकले, तर येथे एक पैसाही शिल्लक राहणार नाही, असे जोडून मुंबई देशाची आर्थिक राजधानी राहू शकणार नाही.” यावरून वाद निर्माण झाला.

या वक्तव्यावर ‘मातोश्री’ या निवासस्थानी पत्रकार परिषदेला संबोधित करताना राज्यपाल हिंदूंमध्ये फूट पाडत असल्याचा आरोप माजी मुख्यमंत्री आणि शिवसेना पक्षप्रमुख उद्धव ठाकरे (Uddhav Thackeray) यांनी केला. ते म्हणाले, कि “राज्यपालांच्या मनात मराठी माणसांबद्दल असलेला द्वेष अनवधानाने बाहेर आला आहे. राज्यपालांनी मराठी जनतेची माफी मागावी.”

“महाराष्ट्राचे राज्यपाल या नात्याने भगतसिंग कोश्यारी यांनी गेल्या अडीच वर्षांत महाराष्ट्रातील प्रत्येक गोष्टीचा आनंद लुटला. त्यांनी महाराष्ट्राच्या जेवणाचा आस्वाद घेतला, आता वेळ आली आहे त्यांनी कोल्हापुरी चप्पल पाहावी,” असे उद्धव ठाकरे म्हणाले.

राज्यपालपद हे सन्माननीय पद असून त्याचा मी अनादर करू इच्छित नाही, असे ठाकरे म्हणाले. पण, राज्यपालांच्या खुर्चीत बसलेल्या भगतसिंग कोश्यारी यांनीही खुर्चीचा आदर केला पाहिजे. हे वक्तव्य म्हणजे ‘मराठी माणूस’ आणि मराठी अभिमानाचा अपमान आहे. त्यांना मायदेशी पाठवायचे की तुरुंगात पाठवायचे हे सरकारने ठरवावे,” असे ठाकरे म्हणाले.

ते पुढे म्हणाले की “राज्यपाल हे राष्ट्रपतींचे दूत आहेत. ते राष्ट्रपतींचे म्हणणे देशभरात पोहचवतात. त्यांचे भाषण कोण लिहिते आणि ते दिल्लीतून आले आहे की इतर कुठूनही हे जाणणे गरजेचे आहे.

राज्यपाल धर्मावरून समाजात फूट पाडण्याचा प्रयत्न करत असल्याचा आरोपही त्यांनी केला. त्यांच्यावर कारवाई कोण करणार? ते प्रत्येक मर्यादा ओलांडत असून आता पार्सल परत पाठवण्याची वेळ आली आहे, असेही ते (Uddhav Thackeray) म्हणाले.

विरोधकांच्या प्रतिक्रियेनंतर, महाराष्ट्राचे मुख्यमंत्री एकनाथ शिंदे म्हणाले, की “आम्ही कोश्यारी यांच्या मुंबईबद्दल मताशी सहमत नाही. हे त्यांचे वैयक्तिक मत आहे. त्यांनी आता स्पष्टीकरण जारी केले आहे. ते घटनात्मक पदावर आहेत आणि त्यांच्या कृतीमुळे इतरांचा अपमान होणार नाही याची काळजी त्यांनी घेतली पाहिजे.” ते पुढे म्हणाले की, “मुंबईच्या विकासात आणि प्रगतीत मराठी समाजाच्या मेहनतीचा मोठा वाटा आहे. हे अफाट क्षमता असलेले महत्त्वाचे शहर आहे. देशभरातील लोकांनी या शहराला आपले घर बनवले असूनही, मराठी माणसाने आपली ओळख जपली आहे. अभिमान आणि त्याचा अपमान होऊ नये.”

Pimpri Corona Update: शहरात आज 147 नवीन रुग्णांची नोंद; 195 जणांना डिस्चार्ज

राज्यपालांनी कष्टकरी मराठी माणसांचा अपमान केला आहे, असे वक्तव्य करत शिवसेना खासदार संजय राऊत यांनी देखील निषेध नोंदवला. “भाजप पुरस्कृत मुख्यमंत्री सत्तेवर आल्यानंतर लगेचच मराठी माणसाचा अपमान होत आहे,” असे राऊत यांनी मराठीत ट्विट केले.

काँग्रेस नेते जयराम रमेश आणि सचिन सावंत यांनीही हा व्हिडिओ ट्विट करून राज्यपालांनी असे वक्तव्य करायला नको होते, असे म्हटले आहे. “त्यांचे नाव भगतसिंग ‘कोश्यारी’ आहे. पण, राज्यपाल या नात्याने त्यांच्या बोलण्यात आणि वागण्यात थोडीही ‘होशियारी’ (स्मार्टनेस) नाही.

राजभवनाने जारी केलेल्या पत्रकात म्हटले आहे की, ”मुंबईला देशाची आर्थिक राजधानी बनवण्यात राजस्थानी-मारवाडी आणि गुजराती समुदायांच्या योगदानाचे कौतुक केले आहे. राज्यपाल म्हणाले की, राजस्थानी-मारवाडी समुदाय देशाच्या विविध भागात तसेच नेपाळ आणि मॉरिशससारख्या देशांमध्ये राहत आहे. असे करताना मराठी भाषिकांना कमी लेखण्याचा माझा कोणताही हेतू नव्हता. माझ्या टिप्पण्यांचा चुकीचा अर्थ लावला गेला. महाराष्ट्राच्या प्रतिष्ठित राज्यात राज्यपाल म्हणून काम केल्याचा मला अभिमान आहे. मुंबई ही महाराष्ट्राची शान आहे आणि देशाची आर्थिक राजधानीही आहे. मी अल्पावधीतच मराठी शिकण्याचा प्रयत्न केला.”