Pune : पतीच्या सततच्या त्रासाला कंटाळून महिलेची गळफास घेऊन आत्महत्या
एमपीसी न्यूज : व्यवसाय सुरू करण्यासाठी माहेरहून 5 लाख रुपये घेऊन ये, अशी मागणी पती सतत करित होता. पैसे न दिल्याने पती सतत मारहाण करायचा, (Pune) या सततच्या त्रासाला कंटाळून महिलेने गळफास घेऊन आत्महत्या केल्याची घटना चंदननगर भागात घडली आहे.या घटनेमुळे एकच खळबळ उडाली आहे.
आराधना अमित मिश्रा असे मयत महिलेचे नाव आहे.तर अमित अरुण मित्रा वय 31 असे आरोपी पतीचे नाव आहे. या प्रकरणी रमेश शुक्ला यांनी फिर्याद दिली आहे.
Dehuroad : उप डाकपालास सात वर्षे सक्तमजुरीची शिक्षा
पोलिसांनी दिलेल्या माहितीनुसार, मयत आराधना आणि आरोपी पती अमित मिश्रा या दोघांचा विवाह 2016 मध्ये झाला होता.ते वडगावशेरी भागातील एका सोसायटीमध्ये राहण्यास होते.अमित हा आराधना यांना लग्न झाल्यापासून शारीरिक आणि मानसिक त्रास देत होता. तसेच आरोपी अमित याला दारूचे व्यसन देखील होते.तुम्ही दारूचे व्यसन सोडून द्या अशी सतत विनंती आराधना या करायच्या,त्यावर आरोपी अमित हा तिला मारहाण करायचा,व्यवसाय सुरू करण्यासाठी 5 लाख रुपये माहेरहून घेऊन ये अशी सतत मागणी करीत होता.
या सर्व त्रासाला कंटाळून आराधना मिश्रा यांनी राहत्या घरी गळफास घेऊन आत्महत्या केल्याची घटना घडली.तर या प्रकरणी आरोपी पती अमित अरुण मिश्रा याला अटक करण्यात आली असून अधिक तपास सुरू आहे.
