Pune Corona Update : शहरात आज नवीन 5 हजार 375 कोरोना रुग्णांची नोंद, 3090 जण कोरोनामुक्त
एमपीसी न्यूज – पुणे शहरातील कोरोनाच्या रुग्णसंख्येत आज सुद्धा वाढ पाहायला मिळाली. शहराच्या विविध भागातील नवीन 5 हजार 375 कोरोना बाधित रुग्णांची आज (रविवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 3 हजार 090 जणांना डिस्चार्ज देण्यात आला.
कोरोनामुळे शहरातील पाच रुग्णांचा आज मृत्यू झाला. आजपर्यंत शहरातील 9 हजार 141 जणांचा कोरोनामुळे मृत्यू झाला. शहरातील 5 लाख 59 हजार 549 जणांना आजपर्यंत कोरोनाची लागण झाली. सध्या 34 हजार 187 सक्रिय रुग्ण शहरात आहेत, यामध्ये आज दिवसभरात 5 हजार 375 नवीन कोरोना बाधित रुग्णांची नव्याने नोंद झाली.
पुणे कोरोना अपडेट : रविवार, दि. १६ जानेवारी २०२२
◆ उपचार सुरु : ३४,१८७
◆ नवे रुग्ण : ५,३७५ (५,५९,५४९)
◆ डिस्चार्ज : ३,०९० (५,१६,२२१)
◆ चाचण्या : १९,११९ (४१,०६,६१४)
◆ मृत्यू : ५ (९,१४१)#PuneFightsCorona #CoronaUpdate pic.twitter.com/lGMNQLgZNZ— Murlidhar Mohol (@mohol_murlidhar) January 16, 2022
तर, शहरात आज दिवसभरात 19 हजार 119 नागरिकांची कोरोना चाचणी करण्यात आली. आजपर्यंत 41 लाख 06 हजार 614 कोरोना चाचण्या करण्यात आल्या आहेत.
शहरात कोरोना रुग्णवाढीचा आलेख चढताच पाहायला मिळत आहे, तरीही नागरिकांनी स्वतःची काळजी घेण्याचे आवाहन प्रशासनाकडून करण्यात येत आहे.