Corona World Update: जगातील सक्रिय कोरोना रुग्णांची संख्या एक कोटींच्या पुढे, मात्र 99.24 टक्के रुग्णांना सौम्य लागण

एमपीसी न्यूज –  जगभरात काल (शनिवारी) 4 लाख 52 हजारांहून अधिक नवीन कोरोना रुग्णांची भर पडली. गेले काही दिवस सातत्याने नवीन रुग्णसंख्येत वाढ होत ती शुक्रवारी 4 लाख 92 हजार या सर्वाधिक संख्येपर्यंत पोहचली होती. दैनंदिन रुग्णवाढीचा आलेख काल खाली आला, ही त्यातल्या त्यात दिलासादायक बाब म्हणावी लागेल. जगातील सक्रिय कोरोना रुग्णांची संख्या एक कोटींच्या पुढे गेली असली तरी त्यापैकी 99.24 टक्के रुग्णांना कोरोनाची सौम्य लागण आहे.

जगातील कोरोनाचा मृत्यूदर सातत्याने थोडा-थोडा कमी होत 2.69 टक्क्यांपर्यंत खाली आला असला तरी नवीन कोरोना रुग्णांची मोठ्या प्रमाणात भर पडत असल्याने कोरोनामुक्तांचे प्रमाण मात्र आता थोडे घसरताना तर सक्रिय कोरोना रुग्णांचे प्रमाण थोडे वाढताना दिसत आहे. सक्रिय कोरोना रुग्णांचे प्रमाण वाढून 23.54 टक्के झाले आहे.

जगातील कोरोनाचा संसर्ग झालेल्यांची एकूण संख्या 4 कोटी 29 लाख 24 हजार 366 झाली असून आतापर्यंत एकूण 11 लाख 54 हजार 742 (2.69 टक्के) कोरोनाबाधितांचा मृत्यू झाला आहे. आतापर्यंत 3 कोटी 16 लाख 66 हजार 249 (73.77 टक्के) रुग्ण कोरोनामुक्त झाले आहेत.

जगात आता कोरोनाचे 1 कोटी 01 लाख 03 हजार 375 (23.54 टक्के) इतके सक्रिय रुग्ण आहेत. त्यापैकी 1 कोटी 26 हजार 180 (99.24 टक्के) रुग्णांचा आजार सौम्य स्वरूपाचा असून 77 हजार 195 (0.76 टक्के) रुग्णांची प्रकृती गंभीर अथवा चिंताजनक आहे.  

मागील पाच दिवसांतील नवीन कोरोनाबाधित रुग्णांची व नवीन मृतांची संख्या पुढीलप्रमाणे आहे.

20 ऑक्टोबर – नवीन कोरोनाबाधित 3 लाख 83 हजार 202, नवीन कोरोनामुक्त 2 लाख 70 हजार 914, मृत्यू 6 हजार 169

21 ऑक्टोबर – नवीन कोरोनाबाधित 4 लाख 37 हजार 441, नवीन कोरोनामुक्त 2 लाख 84 हजार 881, मृत्यू 6 हजार 855

22 ऑक्टोबर – नवीन कोरोनाबाधित 4 लाख 78 हजार 132, नवीन कोरोनामुक्त 2 लाख 73 हजार 730, मृत्यू 6 हजार 470

23 ऑक्टोबर – नवीन कोरोनाबाधित 4 लाख 90 हजार 059, नवीन कोरोनामुक्त 2 लाख 40 हजार 199,  मृत्यू 6 हजार 531

24 ऑक्टोबर – नवीन कोरोनाबाधित 4 लाख 52 हजार 886, नवीन कोरोनामुक्त 2 कोटी 41 हजार 101,  मृत्यू 5 हजार 598

कोरोनाबाधित प्रमुख देशातील कोरोनाबाधितांची संख्या, मृतांची संख्या व कोरोनामुक्तांची संख्या पुढीलप्रमाणे आहे. कंसात एक दिवसात झालेली वाढ दर्शविली आहे.