Panshet Dam : पानशेत धरणात 62 टक्के तर वरसगाव धरणात 57 टक्के पाणीसाठा

खडकवासला धरणाच्या पाणलोट क्षेत्रात गेल्या 24 तासांत 10 मिलीमीटर पावसाची नोंद झाली. सध्या धरणात 55.91 दशलक्ष घनमीटर पाणीसाठा आहे. हे धरण एकूण क्षमतेच्या 100 टक्के भरले आहे. टेमघर धरणाच्या पाणलोट क्षेत्रात गेल्या 24 तासांत 78 मिलीमीटर पावसाची नोंद झाली. या धरणात सध्या 48.96 दशलक्ष घनमीटर पाणीसाठा असून धरण 46.62 टक्के भरले आहे. वरसगाव धरणाच्या पाणलोट क्षेत्रात गेल्या 24 तासांत 63 मिलीमीटर पावसाची नोंद झाली. या धरणात सध्या 207.99 दशलक्ष घनमीटर पाणीसाठा असून धरण 57.28 टक्के भरले आहे. पानशेत धरणाच्या  (Panshet Dam) पाणलोट क्षेत्रात गेल्या 24 तासांत 64 मिलीमीटर पावसाची नोंद झाली. या धरणात सध्या 187.65 दशलक्ष घनमीटर पाणीसाठा असून धरण 62.22 टक्के भरले आहे.

गेल्या आठवड्यात झालेल्या जोरदार पावसामुळे पुण्याचा पाणीप्रश्न बऱ्यापैकी सुटला आहे. पावसाचा जोर काहीसा कमी झाला असला तरी अजून पावसाळ्याचे दोन महिने बाकी आहेत. त्यामुळे या काळात शहराला पाणीपुरवठा करणाऱ्या धरणांमध्ये पूर्ण क्षमतेने पाणीसाठा उपलब्ध असेल, अशी अपेक्षा व्यक्त करण्यात येत आहे.