Pimpri Corona Update: रुग्णसंख्या 50 च्या आत; शहरात आज नवीन 30 रुग्णांची नोंद, 51 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहरातील कोरोनाची रुग्णसंख्या घटली आहे. शहराच्या विविध भागातील 30 नवीन कोरोना बाधित रुग्णांची आज (सोमवारी) नोंद झाली. तर, कोरोनामुक्त झालेल्या 51 जणांना डिस्चार्ज देण्यात आला.
कोरोनामुळे आज एकाही रुग्णाचा मृत्यू झाला नाही. आजपर्यंत शहरातील 4 हजार 620 जणांचा कोरोनामुळे मृत्यू झाला. शहरातील 3 लाख 58 हजार 710 जणांना आजपर्यंत कोरोनाची लागण झाली. सध्या 458 सक्रिय रुग्ण शहरात आहेत. त्यातील 414 रुग्ण गृहविलगीकरणात असून 44 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 26 आणि मायक्रो कंटेन्मेंट झोन 833 आहेत. आज दिवसभरात 65 नागरिकांचे लसीकरण झाले. आजपर्यंत 34 लाख 19 हजार 658 जणांनी कोरोना प्रतिबंधक लस घेतली.
