Pimpri News: काळेवाडी परीसरातील पवना नदीपात्रात भराव टाकणाऱ्या व मैलामिश्रित सांडपाणी नदीत सोडणाऱ्या ठेकेदारावर कारवाईची मागणी
एमपीसी न्यूज: काळेवाडी येथील पवना नदीपात्रात पूररेषेत बेकायदेशीर भराव टाकणाऱ्या व मैलमिश्रित सांडपाणी नदीत सोडून नदी प्रदूषित करणाऱ्या ठेकेदारावर कारवाई करण्याची मागणी (Pimpri News) अपना वतन संघटनेचे अध्यक्ष सिध्दीकीभाई शेख यांनी आज (27 जुलैला) पिंपरी-चिंचवड महापालिकेचे आयुक्त राजेश पाटील व महाराष्ट्र प्रदूषण नियंत्रण मंडळाच्या उप प्रादेशिक अधिकाऱ्यांकडे केली आहे.
अपना वतन संघटनेचे अध्यक्ष सिध्दीकीभाई शेख यांनी दिलेल्या निवेदनात म्हटंले आहे की, काळेवाडी , बीआरटी रोड च्या लागत परिसरामध्ये नदीच्या पात्रात भराव टाकून अनधिकृत बांधकामे केलेली आहेत. त्यामध्ये वोर्कशॉप , फॅब्रिकेशन , हॉटेल्स , मंगल कार्यालये , गोडाउन्स अशा आस्थापनांचा समावेश आहे . शहरात काही जणांनी पर्यावरणाचा ऱ्हास करण्याचा ध्यास घेतलेला आहे . प्रदूषणच्या नियमांची पायमल्ली करीत अनेकांनी नियम धाब्यावर बसवलेले आहेत.
