Pune : आगामी लोकसभा निवडणुकीसाठी सज्ज राहा – शरद पवार
एमपीसी न्यूज – आगामी लोकसभा निवडणुकीसाठी (Pune) सज्ज राहण्याची सूचना राष्ट्रवादी काँग्रेस पार्टी शरदचंद्र पवार पक्षाचे नेते शरद पवार यांनी केली. शरद पवार यांच्या मोदी बाग या कार्यालयात झालेल्या बैठकीत नवीन नाव व नवीन चिन्हसह आगामी लोकसभा निवडणुका लढवण्यासाठी सज्ज राहण्याच्या सूचना सर्व पदाधिकारी व कार्यकर्त्यांना देण्यात आल्या.
आगामी लोकसभा निवडणुका इंडिया आघाडी एकत्रितपणे लढणार पासून या अनुषंगाने शरद पवार यांच्या नेतृत्वात 24 फेब्रुवारी 2024 रोजी इंडिया आघाडीचा मेळावा पुणे शहरात संपन्न होणार आहे. इंडिया आघाडीतील सर्व घटक पक्ष या मेळाव्यात सामील होणार असून या तीनही लोकसभा मतदारसंघात ऐतिहासिक मताधिक्याने विजय मिळवण्याचा निर्धार या बैठकीत करण्यात आला.
Pune : …आता मुरलीधर अण्णा यांचे काय होणार?
शरद पवार यांच्या प्रमुख उपस्थितीत झालेल्या बैठकीत खा. सुप्रिया सुळे, खा. श्रीनिवास पाटील, माजी मंत्री अनिल देशमुख, राजेश टोपे, शशिकांत शिंदे, बाळासाहेब पाटील, खा. वंदना चव्हाण, खा. डॉ. अमोल कोल्हे, शहराध्यक्ष प्रशांत जगताप आमदार रोहित पवार, आमदार संदीप क्षीरसागर (Pune) उपस्थित होते.
