Pune News : चोरीच्या केटीएम बाईक सह चोरट्याला अटक, सात दुचाकी जप्त
एमपीसी न्यूज – चोरीच्या केटीएम बाईक सह मुंबई-पुणे महामार्गावर थांबलेल्या चोरट्याला अटक करण्यात आली आहे. त्याच्याकडून तीन लाख किंमतीच्या एकूण सात दुचाकी जप्त करण्यात आल्या आहेत. शुक्रवारी (दि.03) गुन्हे शाखेच्या युनिट -3 ने ही कारवाई केली.
अक्षय मारूती कापडी (वय 22, रा. पारगाव शिंगवे, आंबेगाव, पुणे) असे या अटक आरोपीचे नाव आहे.
पोलिसांनी दिलेल्या माहितीनुसार, आरोपी कर्वेनगर येथून चोरी केलेली केटीएम बाईक घेऊन मुंबई-पुणे महामार्गावर, डुक्कर खिंड येथे थांबला होता. युनिट -3 च्या पोलिसांना याबाबत माहिती मिळताच याठिकाणी सापळा रचून त्यांनी आरोपीला ताब्यात घेतले. त्याच्यावर चोरीचे सहा गुन्हे उघडकीस आणले असून, तीन लाख किंमतीच्या एकूण सात दुचाकी जप्त करण्यात आल्या आहेत.
