Pune : कोंढणपूर येथील श्री तुकाई देवी यात्रे निमित्त पीएमपीएमएल तर्फे जादा बसचे नियोजन
एमपीसी न्यूज – कोंढणपूर येथील (Pune) श्री तुकाईदेवी यात्रा निमित्त पीएमपीएमएल तर्फे नियमित 5 बसेससह 2 जादा बसेसचे नियोजन करण्यात आले आहे. या जादा बसेस 29 डिसेंबर 2023 ते 29 फेब्रुवारी 2024 या कालावधीत आठवड्यातील दर रविवार, मंगळवार व शुक्रवार या दिवशी भाविकांच्या सोयीसाठी धावणार आहेत.
कात्रज सर्पोद्यान बसस्थानक ते कोंढणपूर या मार्गावर या बसेस धावणार आहेत. आठवड्यातील दर रविवार, मंगळवार व शुक्रवार या दिवशी 2 जादा बसेस सोडण्यात येणार आहेत.सध्या कात्रज सर्पोद्यान बसस्थानक ते कोंढणपूर या मार्गावर पीएमपीएमएलच्या दररोज नियमित 5 बसेस दर 30 मिनिटांच्या वारंवारीतेने सुरु आहेत. दिवसभरात एकूण 58 फेऱ्या होतात. श्री तुकाईदेवी यात्रे निमित्त गर्दीनुसार व आवश्यकतेनुसार 2 जादा बसेस धावणार आहेत.
Talegaon : तळेगाव मधील श्रीमंत घरावर दरोडा घालण्याच्या तयारीत असलेली टोळी पोलिसांच्या जाळ्यात
तसेच पुणे सातारा रोडवर कात्रज सर्पोद्यान बसस्थानका वरून बसमार्ग क्र. 61- कात्रज सर्पोद्यान ते सारोळा (दररोज 5 बसेस), मार्ग क्र. 293- कात्रज सर्पोद्यान ते सासवड – मार्गे कापूरहोळ (दररोज 2 बसेस), मार्ग क्र. 296- कात्रज सर्पोद्यान ते विंझर (दररोज 3 बसेस) व मार्ग क्र. 296 अ- कात्रज सर्पोद्यान ते वांगणीवाडी (दररोज 1 बस) या मार्गावर संचलनात असणाऱ्या बसेस कोंढणपूर फाट्यापर्यंत जाण्यासाठी (Pune) उपलब्ध आहेत.
तरी कोंढणपूर येथील श्री तुकाईदेवी दर्शनासाठी जाणाऱ्या सर्व भाविकांनी या बससेवेचा लाभ घ्यावा, असे आवाहन पीएमपीएमएल कडून करण्यात येत आहे.