Wakad : उसने पैसे वेळेवर परत केले नाहीत म्हणून तरुणाचे अपहरण करत मारहाण
एमपीसी न्यूज : उसने पैसे वेळेवर दिले नाहित म्हणून तरुणाचे अपहरण करून त्याला मारहाण केली आहे. याप्रकरणी वाकड पोलिसांनी दोघांना अटक केली आहे. (Wakad) हा प्रकार शुक्रवारी (दि.6) वाकड येथे मुंबई- बँगलोर महामार्गावर घडला.
याप्रकरणी जावेद आरिफ खान (वय 26 रा. भोसरी) यांनी वाकड पोलिसांनी फिर्याद दिली असून पोलिसांनी रफिक मेहबुब शेख (वय 28 रा.देहुरोड) व आमान आमिन शेख (वय 21 रा.देहुरोड) यांना अटक केली आहे तर दोन अनोळखी इसावर गुन्हा दाखल केला आहे.
PCMC : सफाई कर्मचाऱ्यांचे प्रश्न सोडवा, राष्ट्रीय सफाई कर्मचारी आयोगाच्या सूचना
पोलिसांनी दिलेल्या माहितीनुसार, फिर्यादी यांनी आमान याच्याकडून 1 लाख रुपये उसने घेतले. ते वेळेवर परत केले नाहीत म्हणून आरोपीने फिर्यादीचे जबरदस्तीने अपहरण केले व मारहाण केली.(Wakad) तसेच फिर्यादीच्या भावाला व वडिलांना फोन करून जोपर्यंत पैसे मिळत नाहीत तोपर्यंत फिर्यादीला सोडणार नाही म्हणून धमकी दिली. यावरून वाकड पोलिसांनी आरोपींना अटक केली असून पोलीस पुढिल तपास करत आहेत.