HSC Result 2022 : बारावी परीक्षेत प्रतिभा कनिष्ठ महाविद्यालयाचा 100 टक्के निकाल

एमपीसी न्यूज –  चिंचवड येथील प्रतिभा कनिष्ठ महाविद्यालयाच्या विद्यार्थ्यांनी बारावीच्या परीक्षेत (HSC Result) 2022 घवघवीत यश मिळविले. कोरोना महामारीच्या पार्श्वभूमीवर खरतर यावर्षीच्या विद्यार्थ्यांची दोलनामय मन:स्थिती होती, तरीही पालक आणि शिक्षकांच्या साथीने विद्यार्थ्यांनी यशाला गवसणी घातली.

यावर्षी महाविद्यालयाचा कला, वाणिज्य व विज्ञान शाखेचा 100 टक्के निकाल (HSC Result 2022) लागला. विज्ञान शाखेतून महामुनी मुक्ता अरविंद हिने 94.% गुण प्राप्त करून प्रथम, देवघरे श्रावणी मनिष हिने 93.33.गुण प्राप्त करून द्वितीय तर जाधव अदिती संतोष हिने 89.67% गुण प्राप्त करून तृतीय क्रमांक मिळविला.

वाणिज्य शाखेतून कुलकर्णी वैष्णवी दीपक हिने 90.17% गुण प्राप्त करून प्रथम, अन्सारी शोएब याने 88.67% गुण प्राप्त करून द्वितीय तर साळी धनराज रुपेश याने 88% गुण प्राप्त करून तृतीय क्रमांक मिळविला.

Jyotishri All India Astrology Convention : ज्योतिश्री अखिल भारतीय ज्योतिष अधिवेशनाचा समारोप

कला शाखेतून रॉड्रीक ऍडरिना हिने 91.50% गुण प्राप्त करून प्रथम, शाह रिया अमर हिने 90.17.69% गुण प्राप्त करून द्वितीय तर रंजन आदित्य याने 89.83% गुण प्राप्त करून तृतीय क्रमांक मिळविला.

यशस्वी विद्यार्थ्यांचे संस्थेच्या अध्यक्षा प्रतिभा शहा, संस्थापक सचिव डॉ.दिपक शहा, प्राचार्य डॉ. बाबासाहेब सांगळे, उपप्राचार्या डॉ. वनिता कुऱ्हाडे, मुख्यप्रशासकीय अधिकारी डॉ. राजेंद्र कांकरिया, शिक्षक-पालक संघ प्रतिनिधी आणि सर्व शिक्षक आणि शिक्षकेतर कर्मचारी यांनी पुढील वाटचालीसाठी शुभेच्छा देऊन विद्यार्थ्याचे अभिनंदन केले आहे.