Bhosari News : पार्टीच्या बहाण्याने नेऊन पाजली बियर आणि केला बलात्कार
आकाश कापुरे (रा. दिघी) असे गुन्हा दाखल झालेल्या तरुणाचे नाव आहे. याबाबत पीडित तरुणीने भोसरी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी आकाश याने पीडित तरुणीसोबत जवळीक वाढवून तिचा विश्वास संपादन केला. त्यानंतर मित्र विशाल पाटील याच्या वाढदिवसाला जायचे असल्याचे सांगून आकाश याने तरुणीला रिक्षात बसवून शिवाजी नगर येथील प्रतीक बारमध्ये नेले. तिथे तिला बिअर पाजली. त्यामुळे तरुणीला गुंगी आली.
तरुणीला घरी सोडविण्याच्या बहाण्याने आकाश याने तिला दिघी येथील डोंगरावर नेले. तरुणीला गुंगी आल्याचा गैरफायदा घेऊन आकाश याने तिच्यावर बलात्कार केला. भोसरी पोलीस तपास करीत आहेत.