Pimpri Corona Update : शहरात आज 10 नवीन रुग्णांची नोंद, 8 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहराच्या विविध भागातील 10 नवीन कोरोना बाधित रुग्णांची आज (बुधवारी) नोंद झाली. तर, कोरोनामुक्त झालेल्या 8 जणांना डिस्चार्ज देण्यात आला.
कोरोनामुळे सलग नवव्या दिवशी एकाही रुग्णाचा मृत्यू झाला नाही. ही दिलासादायक बाब मानली जात आहे. आजपर्यंत शहरातील 4 हजार 623 जणांचा कोरोनामुळे मृत्यू झाला. शहरातील 3 लाख 59 हजार 54 जणांना आजपर्यंत कोरोनाची लागण झाली.
सध्या 120 सक्रिय रुग्ण शहरात आहेत. त्यातील 107 रुग्ण गृहविलगीकरणात असून 13 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 7 आणि मायक्रो कंटेन्मेंट झोन 376 आहेत. आज दिवसभरात 2 हजार 409 नागरिकांचे लसीकरण झाले. आजपर्यंत 34 लाख 67 हजार 816 जणांनी कोरोना प्रतिबंधक लस घेतली.
