Pune News : पुणे महापालिकेच्या वतीने औंध व घोरपडी येथील अनधिकृत बांधकामावर हातोडा
एमपीसी न्यूज – पुणे महापालिका बांधकाम व अतिक्रमण विभागाच्या (Pune News) वतीने शुक्रवारी (दि.23) धोरपडी व औंध भागातील अनधिकृत बांधकामावर कारवाई करत बांधकामे पाडण्यात आली.
यामध्ये औंध परिसरात मुख्य रस्त्यावरील 12 हजार चौरस फुट क्षेत्रावरील बांधकामे व पत्राशेड काढण्यात आले. यामध्ये हॉटेलच्या फ्रंट मार्जिन मधील बांधकामाचा समावेश होता. तर घोरपडी येथील झोन क्रमांक चार मधील सर्व्हे रोड 50 शिर्के रोडवरील 5 हजार 121 चौरस फुट क्षेत्रावरील बांधकाम व शेड हटवण्यात आले आहे.
Pune News : विमाननगर येथून 15 लाखांचे 52 ग्रॅम वजनाचे कोकेन जप्त
ही कारवाई बांधकाम व अतिक्रमण विभागाकडील (Pune News) अधिक्षक अभियंता सुधीर कदम, कार्यकारी अभियंता विपीन शिंदे, उप अभियंता समीर गडई, कनिष्ठ अभियंता गजानन सरणे, विठ्ठल मुळे यांनी केली. जेसीबीच्या सहाय्याने ही कारवाई करण्यात आली.
