Pune News : कुरीअर पँकींग मधून अंमली पदार्थांची विक्री करणारे दोघे अटकेत
एमपीसी न्यूज – कुरीअर पँकींग द्वारे गांजा व चरस या अंमली पदार्थांची विक्री कऱणाऱ्या दोघांना पुणे पोलिसांनी पुणे बँगलोर परिसरातून अटक केली आहे. (Pune News) ही कारवाई अंमली पदार्थ विरोधी पथक एक यांनी केली असून यां कारवाईमध्ये पोलिसांनी 3 किलो 681 ग्रॅंम गांजा व 14 ग्रॅंम चरच जप्त केले आहे.
हर्षद दत्तात्रय इंगळे (वय 21 रा. दापोडी) व भागवत शेषनारायण सुरनर (वय 20 रा.बावधन) अशी अटक आरोपींची नावे आहेत.
पोलिसांनी दिलेल्या माहितीनुसार, तपासी पथक ऑनलाईन पद्धतीने अंमली पदार्थ विक्री कऱणाऱ्यांचा शोध घेत असताना पोलिसांना बातमीदारामार्फत खबर मिळाली की, पुणे-बँगलोर महामार्गावर दोन इसम दुचाकीवरून येवून अंमली पदार्थ विक्री करत आहेत. त्यानुसार पोलिसांनी सापळा रचून आरोपीनां ताब्यात घेतले.
त्यांच्याकडून पोलिसांनी दुचाकी, 3 किलो 681 ग्रॅंम गांजा व 14 ग्रॅंम चरस, रोख रुपये 4 हजार , मोबाईल व 3 हजार रुपयांचे इतर साहित्य असा (Pune News) एकूण 3 लाख 17 हजार 620 रुपयांचा ऐवज जप्त केला.आरोपी विरोधात सिंहगड रोड पोलीस ठाण्यात एन.डी.पी.एस अक्ट अंतर्गत गुन्हा दाखल करण्यात आला आहे.