Today’s Horoscope 03 March 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 03 March 2023 – जाणून घ्या आजचे राशिभविष्य
वार – शुक्रवार.
03-03-2023
शुभाशुभ विचार- 9 नंतर चांगला दिवस.
आज विशेष- आमलकी एकादशी.
राहू काळ – सकाळी 10.30 ते 12.00
दिशा शूल – पश्चिमेस असेल.
आजचे नक्षत्र – पुनर्वसू 15.43 पर्यंत नंतर पुष्य.
चंद्र राशी – मिथुन 8.58 पर्यंत नंतर कर्क.
—————————————-
आजचे राशिभविष्य
मेष – ( शुभ रंग- भगवा )
सामाजिक कार्यकर्ते लोकांच्या आदरास पात्र होतील. आज तुम्ही गरजूना आवर्जून मदत कराल. इतरांची मने सांभाळाल. आज काही शुभ समाचार येणार आहेत.
वृषभ (शुभ रंग- पिस्ता )
आवक पुरेशी असल्याने मनासारखा खर्च कराल. क्षुल्लक कारणावरून शेजारी आज रुसून बसतील. आज जरा स्पष्ट वक्तेपणास आवर घालायला हवा अन्यथा त्यामुळे काही चांगली नाती दुरावतील.
मिथुन ( शुभ रंग- राखाडी )
आज तुम्ही काही से लहरीपणाने वागाल कुणाचेही ऐकून घेण्याची तुमची तयारी नसेल उतावीळ पणाने घेतलेले काही निर्णय चुकतील. आज तुम्ही हातचे सोडून पळत्या मागे धावाल.
कर्क (शुभ रंग- मरून )
एखादी हरवलेली वस्तू परत सापडेल आज तुम्ही स्वतःच्या व्यक्तिमत्व विकासावर भर द्याल. नवी वस्त्र खरेदी कराल. घरात थोडा मोठ्यांच्या वयाचा मान राखा. वाद वाढवू नका.
सिंह (शुभ रंग- पांढरा )
आज तुमची महत्त्वाच्या कामासाठी भटकंती होईल. अनावश्यक खर्चाचे प्रमाण वाढणार आहे. अधिकारी वर्गास विदेश दौरे घडू शकतात. हातचे सोडून मृगजळा मागे धावायचा तुमचा प्रयत्न असेल.
कन्या ( शुभ रंग- जांभळा )
नोकरीच्या ठिकाणी आज वरिष्ठ तुमच्या कामाची दखल घेतील. नव्या व्यावसायिकांचे कर्ज प्रस्ताव मंजूर होतील. कामाच्या व्यापात घरगुती समस्या दुर्लक्षित होतील.
Chakan : आदर्श गावच्या आदर्श सरपंचांचा पितृप्रेम अन् पर्यावरण रक्षणाचा आदर्श
तूळ ( शुभ रंग- स्ट्रॉबेरी )
कार्यक्षेत्रात घडलेल्या काही मनाविरुद्ध घटनांनी तुम्हाला नैराश्य येईल. नवे उपक्रम सुरू करण्यासाठी आजचा दिवस चांगला नाही. वैवाहिक जीवनात काही सौम्य मतभेद असतील.
वृश्चिक (शुभ रंग- लाल )
आज तुमचा आध्यात्मिक मार्गाकडे ओढा असेल. आज नास्तिक मंडळीही देवाला एखाद्या नवस बोलतील. घरात एखादे धार्मिक कार्य करण्याचे बेत आखाल. दैवाची साथ राहील.
धनु- (शुभ रंग- मोरपंखी )
व्यवसायातील वाढत्या स्पर्धेने आज व्यावसायिक त्रस्त असतील. अडचणीच्या प्रसंगी पत्नीची खंबीर साथ मिळेल कुटुंबास पुरेसा वेळ देण्याचा तुम्ही प्रयत्न कराल.
मकर ( शुभ रंग- आकाशी )
धंद्यातील येणी वसूल होतील. गोड बोलून आज तुम्ही आपल्या विरोधकांनाही आपलेसे कराल. जुनी दुखणी अजिबात अंगावर काढू नका. आज विश्रांतीही गरजेची आहे
कुंभ (शुभ रंग – मोतीया )
कलाक्षेत्रातील मंडळींना वाढत्या स्पर्धेचा सामना करावा लागेल. आरोग्याच्या काही तक्रारी त्रस्त करतील. आज संध्याकाळी डॉक्टरांच्या भेटीचा योग दिसतो आहे.
मीन -(शुभ रंग – निळा )
कुटुंबीयांच्या वाढत्या मागण्या पुरवताना नाकी नऊ येतील. मुले आज अभ्यासात उत्कृष्ट कामगिरी करतील. गृहिणी आज पाहुण्यांची उटवस आनंदाने करतील.
शुभम भवतु
श्री जयंत कुलकर्णी.
ज्योतिष व वास्तु सल्लागार.
संपर्क 9689165424
