Traffic issue : वाहतूक कोंडीवरून होणारी टीका; दोन्ही आयुक्त ‘ऑन दी स्पॉट’
एमपीसी न्यूज : शहरात होत असलेल्या वाहतूक कोंडीवरून मागील काही दिवसांपासून पोलीस प्रशासन आणि महापालिका प्रशासन यांच्यावर टीका केली जात आहे. त्यानंतर शहरातील ही वाहतूक कोंडी सोडवण्यासाठी आता पुणे पोलीस आयुक्तांनी आणि महापालिका आयुक्तांनी पुढाकार घेतला आहे.(Traffic issue) पोलीस आयुक्त अमिताभ गुप्ता आणि महापालिका आयुक्त विक्रम कुमार यांनी आज एकत्रितरित्या शहरातील विविध मार्गांची पाहणी केली. याशिवाय उपस्थित अधिकाऱ्यांना ऑन द स्पॉट काही सूचना केल्या आहेत. या व्यतिरिक्त विनाकारण रस्ते अडवणाऱ्या ठेकेदारावर दंडात्मक कारवाई करण्याचे आदेशही दोन्ही आयुक्तांनी यावेळी दिले आहेत.
दिवाळीच्या कालावधीत आणि पावसाळ्यात शहरातील बहुतांश रस्त्यावर वाहतूक कोंडी झाली होती. इतकेच नाही तर अनेक रस्ते मुसळधार पावसानंतर पाण्याखाली गेले होते. (Traffic issue) शहरात सुरू असणाऱ्या खोदकामामुळे अनेक रस्ते खड्डेमय झाल्याने पुणेकरांना वाहतूक कोंडीला सामोरे जावे लागत होते. यावरून पोलीस प्रशासनावर सर्व स्तरातून टीका केली जात होती. त्यानंतर आता ही वाहतूक कोंडी सोडवण्यासाठी महापालिका आयुक्त आणि पोलीस आयुक्त या दोघांनी पुढाकार घेतला आहे.
Kartiki Ekadashi : उठा पांडुरंगा आता दर्शन द्या सकळा…
पोलीस आयुक्त अमिताभ गुप्ता यांनी वाहतूक पोलिसांवर होत असलेल्या आरोपांची गंभीर दाखल घेतली. वाहतूक विभागाची जबाबदारी आणखी एका पोलिस आयुक्तावर सोपवली तर विविध पोलीस ठाण्याच्या अधिकाऱ्यांनाही वाहतूक कामे मदत करण्याचे आदेश दिले आहेत. (Traffic issue) तर महापालिका आयुक्त विक्रमकुमार यांनीही पाऊस उघडताच शहरातील खड्डे बुजवण्याचे काम हाती घेतले आहे. शिवाय विविध संस्थांच्या माध्यमातून भाग देऊन अधिक त्राफिक वार्डन उपलब्ध करून दिले आहे.