Corona Update : महाराष्ट्राचा कोरोना रिकव्हरी रेट 92.04 टक्क्यांवर

एमपीसी न्यूज : महाराष्ट्राचा कोरोना रुग्ण बरे होण्याचा दर वाढला आहे. राज्यात आतापर्यंत 55 लाख 53 हजार 225 कोरोनाबाधीत आढळले. यापैकी 51 लाख 11 हजार 95 जण बरे झाले. यामुळे रिकव्हरी रेट शुक्रवारच्या 91.74 टक्क्यांवरुन शनिवारी 92.04 टक्क्यांवर पोहोचला. डेथ रेट जैसे थे तर पॉझिटिव्हिटी रेट कमी झाला आहे.

राज्यातील कोरोना रुग्णांपैकी 87 हजार 300जणांचा मृत्यू झाला. तसेच कोरोनाबाधितांपैकी 2 हजार 583 जणांचा इतर कारणांमुळे मृत्यू झाल्याचे राज्य शासनाने सांगितले. यामुळे डेथ रेट 1.57 टक्के आहे. शुक्रवारीही राज्याचा डेथ रेट अर्थात मृत्यू दर एवढाच होता.

महाराष्ट्रात आतापर्यंत 3 कोटी 27 लाख 23 हजार 361 कोरोना चाचण्या झाल्या. यापैकी 55 लाख 53 हजार 225 कोरोना पॉझिटिव्ह आढळल्या. यामुळे राज्याचा कोरोना पॉझिटिव्हिटी रेट 16.97 टक्क्यांवर आला. याआधी शुक्रवारी राज्याचा कोरोना पॉझिटिव्हिटी रेट 17.04 टक्के होता.

मागील 24 तासांत राज्यात 26 हजार 133 नवे कोरोना रुग्ण आढळले. राज्यातील कोरोना रुग्णांपैकी 40 हजार 294 जण मागील 24 तासांमध्ये बरे झाले. तसेच राज्यात कोरोनामुळे 24 तासांमध्ये 682 मृत्यू झाले. याआधी शुक्रवारी राज्यात 29 हजार 644 नवे कोरोना रुग्ण आढळले आणि 44 हजार 493 बरे झाले होते. तसेच शुक्रवारी राज्यात 555 मृत्यू झाले होते.

महाराष्ट्रात सध्या 3 लाख 52 हजार 247 कोरोना अॅक्टिव्ह रुग्ण आहेत. राज्यात 27 लाख 55 हजार 729 जण होम क्वारंटाइन आहेत तर 22 हजार 103 जण संस्थात्मक क्वारंटाइनमध्ये आहेत.

जिल्हानिहाय कोरोना रुग्ण