Maval News : अवकाळी पावसाने मावळला झोडपले; बळीराजा संकटात

शुक्रवारी सकाळपासून पिंपरी-चिंचवड शहर, मावळ परिसरात ढगाळ वातावरण होते. सायंकाळी सहा वाजताच्या सुमारास ढग अंधारून आले आणि अचानक पावसाला सुरुवात झाली. तब्बल अर्धा तास पाउस पडला. यामुळे नागरिकांची धावपळ उडाली.

सध्या ज्वारी, गहू, हरभरा आदि पिकांची काढणी सुरु आहे. अवकाळी पावसामुळे ज्वारी काळी पडते. ज्वारी काळी पडल्यास ज्वारीचे भाव उतरतात. याचा शेतक-यांना आर्थिक फटका बसतो. भाजीपाल्याचे देखील मोठे नुकसान होते.

हवामानशास्त्रज्ञ के एस होसाळीकर यांनी नाशिक, सातारा, पुणे, सोलापूर, सांगली, बीड, अहमदनगर, औरंगाबाद, उस्मानाबाद, लातूर, परभणी, हिंगोली, अमरावती परिसरात ढगाळ वातावरण असल्याचे ट्वीट केले आहे.