Today’s Horoscope 26 December 2022 – जाणून घ्या आजचे राशिभविष्य
आजचे पंचांग – Today’s Horoscope 26 December 2022 – जाणून घ्या आजचे राशिभविष्य
वार – सोमवार.
26-12-2022
शुभाशुभ विचार – 15 पर्यंत चांगला.
आज विशेष- विनायक चतुर्थी.
राहू काळ – सकाळी 7.30 ते 9.00
दिशा शूल – पूर्वेस असेल.
आजचे नक्षत्र – श्रवण 16.42 पर्यंत नंतर धनिष्ठा.
चंद्र राशी – मकर.
—————————————-
आजचे राशिभविष्य
मेष – ( शुभ रंग- राखाडी )
नोकरीच्या ठिकाणी तुमच्यासाठी अनुकूल वातावरण असणार आहे. वरिष्ठांचे उत्तम सहकार्य मिळेल. आज तुम्ही आपले अधिकार वापरून इतरांची कामे करू शकाल. विरोधकांनाही तुमच्या कामाची पद्धत आवडू लागेल.
वृषभ (शुभ रंग- पिस्ता)
नोकरी धंद्यात काही मनाविरुद्ध घटना घडल्याने थोडेफार नैराश्य येईल. विरोधक तुमच्या चुका शोधायचा प्रयत्न करतील तुम्ही बिनचूक काम करा. इतरांच्या भानगडीत डोकावू नका.
मिथुन ( शुभ रंग- क्रीम )
आजचा दिवस उद्योग व्यवसायाच्या दृष्टीने तितकासा अनुकूल नाही नवे उपक्रम तर उद्यावरच ढकला पती-पत्नी मधील वादावर आज मौन हा रामबाण उपाय ठरेल.
कर्क (शुभ रंग- पांढरा)
कार्यक्षेत्रात आज प्रत्येक व्यक्ती तुमच्या प्रभावात राहील. तुमच्यातील नेतृत्वगुणांस वाव मिळेल. सकारात्मक दृष्टिकोन ठेवा. आज पत्नीच तुम्हाला योग्य सल्ले देणार आहे.
सिंह (शुभ रंग- मरून )
ध्येयप्राप्तीसाठी कामाचे तास वाढवावे लागणार आहेत. काही येणी असतील तर मागायला लाजू नका गृहिणीसाठी अतिव्यस्त दिवस असून आरोग्याच्या तक्रारींची वेळीच दखल घ्यायला हवी.
कन्या ( शुभ रंग- हिरवा)
नोकरदारांना वरिष्ठांच्या तालावर नाचावे लागेल. नवोदित कलाकारांच्या परिश्रमांना यश येईल, त्यांना प्रसिद्धी मिळेल. खेळाडू स्पर्धा जिंकतील. रुग्ण ठणठणीत बरे होतील.
Pimpri News : पिंपरी-चिंचवड शहरात ख्रिसमस सण आनंदात व उत्साहात साजरा
तूळ ( शुभ रंग- डाळिंबी )
आज अत्यंत आनंदी व उत्साही असा दिवस असून सगळी कामे सुरळीत पार पडतील. घर सजावटीसाठी काही पैसा खर्च कराल. कला क्रीडा क्षेत्रातील मंडळींना स्ट्रगल वाढवावी लागणार आहे.
वृश्चिक (शुभ रंग- स्ट्रॉबेरी)
सगळी महत्त्वाची कामे आज दिवसाच्या पूर्वार्धात उरकून घ्या. संध्याकाळी आर्थिक व्यवहार जपून करा. विद्यार्थ्यांना आज अभ्यास कंटाळवाणा वाटेल. संततीकडून शुभ समाचार येतील.
धनु- (शुभ रंग- भगवा )
आज तुमचा आत्मविश्वास दांडगा असेल. कार्यक्षेत्रात नवीन आव्हाने आत्मविश्वासाने स्वीकाराल. वाणीत गोडवा ठेवून अनेक किचकट प्रश्न मार्गी लावाल. आर्थिक बाजू भक्कमच असेल.
मकर ( शुभ रंग- जांभळा)
महत्त्वाच्या चर्चेत आपले विचार आत्मविश्वासाने मांडाल. आत्मविश्वासाचा अतिरेक मात्र नुकसानास कारणीभूत ठरू शकतो. त्यामुळे इतरांचेही म्हणणे ऐकून घेण्याची मानसिकता ठेवा.
कुंभ (शुभ रंग – निळा)
नवीन व्यवसायात गुंतवणूक करताना मर्यादे बाहेर रिस्क घेऊ नका. ज्येष्ठ मंडळींनी हाती असलेली पुंजी जपून वापरावी. सत्संगातूनच मनशांती मिळेल. घरातील वडीलधाऱ्या मंडळींच्या लहरी सांभाळाव्या लागतील.
मीन -(शुभ रंग – मोतिया)
कार्यक्षेत्रातील तुमचे महत्त्व वाढेल. इतरांस न पेलणाऱ्या जबाबदाऱ्या स्वीकारून त्या पूर्णही कराल. व्यापाऱ्यांची आवक मुबलक राहील आज थोडी अहंकाराची बाधा होईल.
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424
