Today’s Horoscope 9 September 2022 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 9 September 2022
वार – शुक्रवार
तारीख 9-9-2022
शुभाशुभ विचार- 18 पर्यंत चांगला दिवस
आज विशेष – अनंत चतुर्दशी
राहू काळ – सकाळी 10.30 ते 12.00
दिशा शूल – पश्चिमेस असेल
आजचे नक्षत्र – धनिष्ठा 11.35 पर्यंत नंतर शततारका
आजची चंद्रारशी – कुंभ
————————————–
आजचे राशिभविष्य
मेष – (शुभ रंग – स्ट्रॉबेरी)
आज तुमचा इच्छापूर्तीचा दिवस असल्याने सकारात्मकच विचार करा. तुम्ही अगदी सहज घेतलेले निर्णय योग्य ठरणार आहेत. आज काही दुरावलेले जिवलग मित्र जवळ येतील.
वृषभ – (शुभ रंग – राखाडी)
नोकरदारांना वरिष्ठांच्या दडपणात काम करावे लागेल.अधिकारी वर्गास अधिकार वापरायची संधी मिळेल.कार्यक्षेत्रात ध्येय गाठण्यासाठी अविश्रांत परिश्रम आवश्यक आहेत.मित्रांना थोडे लांबच ठेवा.
मिथुन – (शुभ रंग – मोरपंखी)
उद्योगधंद्याच्या दृष्टीने प्रतिकूल दिवस आहे.नोकरीत वरिष्ठांचे मूड सांभाळावे लागतील.आज हातचे सोडून पळत्याच्या मागे अजिबात जाऊ नका.कायद्याची चौकट मोडू नका.
कर्क – (शुभ रंग – मोतिया)
आज फक्त आपल्या भल्याचाच तेवढा विचार करा.भावनेच्या आहारी जाऊन कुणालाही शब्द देऊ नका.आज जोडीदाराच्या चुका काढू नका.वाहन चालवताना वाहतुकीचे नियम मोडू नका.
सिंह – (शुभ रंग- डाळिंबी)
आपल्या मर्यादेत रहा.अति आक्रमकतेने नुकसान होईल.महत्त्वाच्या घरगुती प्रश्नात जोडीदाराचे मत अवश्य घ्या. हाऊस मौज करताना कायद्याचे भान ठेवा सतर्क रहा.
कन्या – (शुभ रंग – मरून)
कार्यक्षेत्रात प्रत्येक पाऊल सावधपणे टाकणे गरजेचे आहे.नव्या ओळखीत लगेच विश्वास टाकू नका. हितशत्रू सक्रिय असल्याने नोकरीतील नियमांचे काटेकोरपणे पालन करा.
तूळ – (शुभ रंग – अबोली)
आज उच्च राहणी व उच्च विचारसरणी असे तुमचे धोरण असेल.स्वतःचे लाड पुरवण्यासाठी मनसोक्त खर्च कराल.शैक्षणिक क्षेत्राशी संबंधित जर तुमचे व्यवसाय असतील तर ते तेजीत चालतील.कलावंत मिळालेल्या संधीचे सोने करतील.
वृश्चिक – (शुभ रंग – पिस्ता)
स्थावर शेतीवाडी संबंधित काही खरेदी विक्रीचे व्यवहार रखडले असतील तर ते मार्गी लागतील. मुलांची अभ्यासात एकाग्रता होईल.प्रेम प्रकरणे मात्र फक्त मनस्ताप देतील.
धनु – (शुभ रंग – भगवा)
आज एखाद्या महत्त्वाच्या कामासाठी भटकंती होईल.रिकामटेकडी चर्चा फक्त वादास कारणीभूत होईल.शेजाऱ्यांशी एकोपा वाढेल. आज काम कमी आणि दगदगच जास्त होईल.
मकर – (शुभ रंग – जांभळा)
दुकानदारांच्या गल्ल्यात आज लक्षणीय वाढ होईल. आज तुम्ही गोड बोलून विरोधकांनाही आपलेसे कराल.कार्यक्षेत्रात आज स्वतःचे महत्त्व सिद्ध करू शकाल. दुपारनंतर अकस्मिक लाभ.
कुंभ – (शुभ रंग – लाल)
आज तुमचे मन काहीसे चंचल राहील.अति उत्साहात चुकीचे निर्णय घेणार आहात. दूरचे प्रवास त्रासदायक होतील.आज स्वतःचेच खरे कराल हट्टीपणाने वागाल.
मीन – (शुभ रंग – पांढरा)
पर्यटन व्यवसाय चांगले चालतील.पासपोर्ट, विजा वगैरे विदेशाशी संबंधित कामे गती घेतील. कठोर बोलण्याने नाती दुखावतील.अनावश्यक खर्चाचे प्रमाण वाढेल.काहींचा गूढशास्त्रांकडे कल राहील.
शुभम भवतु
श्री जयंत कुलकर्णी
फोन 9689165424
(ज्योतिष व वास्तु सल्लागार)
