India Corona Update : गेल्या 24 तासांत 11,903 नवे कोरोना रुग्ण, कालपेक्षा 14.2 टक्के रुग्ण वाढले
एमपीसी न्यूज – भारतातील कोरोनाचा आलेख उतरणीला लागला आहे. गेल्या 24 तासांत देशभरात 11 हजार 903 नव्या कोरोना बाधित रुग्णांची नोंद झाली असून, 14 हजार 159 बरे कोरोनामुक्तांना डिस्चार्ज देण्यात आला आहे. काल झालेल्या रुग्ण वाढीच्या तुलनेत गेल्या 24 तासांत 14.2 टक्के रुग्ण अधिक वाढले आहेत.
India reports 11,903 new #COVID19 cases and 14,159 recoveries in last 24 hours; active caseload stands at 1,51,209 – lowest in 252 days
Total Recoveries 3,36,97,740 pic.twitter.com/qZjhGmhl9O
— ANI (@ANI) November 3, 2021
देशात गेल्या 24 तासांत 311 कोरोना रुग्णांचा मृत्यू झाला असून, कोरोनामुळे देशात आजवर 4 लाख 59 हजार 191 रुग्णांचा मृत्यू झाला आहे. देशाचा कोरोना मृत्यूदर 1.32 टक्के एवढा झाला आहे. सध्या देशात 1 लाख 51 हजार 209 ॲक्टिव्ह कोरोना रुग्णांवर उपचार सुरू आहेत. देशातील ॲक्टिव्ह रुग्णसंख्या मागील 252 दिवसांतील नीचांकी आहे.
कोरोना प्रतिबंधक लसीकरण कार्यक्रमाअंतर्गत देशात आत्तापर्यंत 107 कोटी 29 लाख 66 हजार 31 नागरिकांना लस टोचण्यात आली आहे. गेल्या 24 तासांत देशभरात 41 लाख 16 हजार 230 जणांना लस टोचण्यात आली आहे.
