Sanjay Pandey : माजी पोलीस आयुक्त संजय पांडे यांना ईडीची नोटीस
एमपीसी न्यूज : महाराष्ट्राची आर्थिक राजधानी असलेल्या मुंबईचे माजी पोलीस आयुक्त संजय पांडे (Sanjay Pandey) अडचणीत सापडले आहेत. अंमलबजावणी संचालनालयाने त्यांना रविवारी समन्स बजावले आहे. मनी लॉन्ड्रिंग प्रकरणी ईडीने त्यांना चौकशीसाठी बोलावले आहे.
मिळालेल्या माहितीनुसार, त्यांना 5 जुलै रोजी हजर राहण्याचे आदेश देण्यात आले आहेत. माजी पोलीस आयुक्त संजय पांडे हे 3 दिवसांपूर्वीच निवृत्त झाले आहेत.
Rahul Narvekar : नवे विधानसभा अध्यक्ष राहुल नार्वेकर यांचे हे आहे ‘पिंपरी-चिंचवड’ कनेक्शन!
मुंबईचे माजी पोलीस आयुक्त संजय पांडे हे राज्याचे डीजीपी असताना त्यांनी माजी गृहमंत्री अनिल देशमुख यांच्यावरील खटला सौम्य करण्यासाठी तत्कालीन पोलीस आयुक्त परमबीर सिंग यांच्यावर दबाव आणला होता. संजय पांडे यांचे वादांशीही बरेच संबंध आहेत. एनएसई सर्व्हर तडजोड प्रकरणी ईडीने त्यांना समन्स (Sanjay Pandey) बजावले आहे. याप्रकरणी मिळालेल्या माहितीनुसार, चित्रा रामकृष्ण प्रकरणात एक कंपनी स्थापन करण्यात आली होती. ही कंपनी संजय पांडे यांच्या मालकीची होती. या दोन्ही प्रकरणात ईडीने त्याला नोटीस पाठवली असून चौकशीसाठी बोलावले आहे.
