India Corona Update : ॲक्टिव्ह रुग्णसंख्या उतरणीला, देशात 88,993 ॲक्टिव्ह कोरोना रुग्ण
एमपीसी न्यूज – गेल्या 24 तासांत देशभरात 5 हजार 784 नव्या कोरोना रुग्णांची नोंद झाली आहे तर, 7 हजार 995 कोरोनामुक्तांना डिस्चार्ज देण्यात आला आहे. देशातील ॲक्टिव्ह रुग्णसंख्या कमी झाली असून, सध्या 88 हजार 993 ॲक्टिव्ह कोरोना रुग्णांवर उपचार सुरू आहेत.
आरोग्य मंत्रालयाच्या हवाल्याने ‘एएनआय’ने प्रसिद्ध केलेल्या आकडेवारीनुसार, भारतातील एकूण कोरोना बाधित रुग्णांची संख्या 3 कोटी 47 लाख 03 हजार 644 एवढी झाली आहे. त्यापैकी 3 कोटी 41 लाख 38 हजार 763 रुग्ण कोरोनामुक्त झाले आहेत. देशाचा रिकव्हरी रेट 98.37 टक्के एवढा झाला आहे.
COVID19 | India reports 5,784 new cases, 7,995 recoveries, & 252 deaths in the last 24 hours
Active cases: 88,993
Total recoveries: 3,41,38,763
Death toll: 4,75,888Total vaccination: 133.8 crore doses pic.twitter.com/jp8gvBI2UG
— ANI (@ANI) December 14, 2021
गेल्या 24 तासांत देशभरात 252 रुग्ण दगावले असून, देशात आजवर 4 लाख 75 हजार 888 कोरोना रुग्णांचा मृत्यू झाला आहे. देशाचा कोरोना मृत्यूदर 1.37 टक्के एवढा झाला आहे.
देशात आतापर्यंत 65.76 कोटी प्रयोगशाळा नमुने तपासण्यात आले आहेत. तसेच, कोरोना प्रतिबंधक लसीकरण कार्यक्रमाअंतर्गत देशात आत्तापर्यंत 133.88 कोटी नागरिकांना लस टोचण्यात आली आहे. गेल्या 24 तासांत 66.88 लाख जणांना कोरोना प्रतिबंधक लस टोचण्यात आली आहे.
