India Corona Update : चोवीस तासांत 8,013 कोरोना रुग्णांची नोंद, 16,765 जणांना डिस्चार्ज
एमपीसी न्यूज – गेल्या 24 तासांत देशभरात 8 हजार 013 नव्या कोरोना बाधित रुग्णांची नोंद झाली असून, 16 हजार 765 जणांना डिस्चार्ज देण्यात आला आहे. देशातील ॲक्टिव्ह रुग्णसंख्या कमी झाली आहे. सध्या 1.02 लाख ॲक्टिव्ह रुग्णांवर उपचार सुरू आहेत. पॉझिटिव्हीटी रेट 1.11 टक्के एवढा खाली आलाय.
आरोग्य विभागाच्या आकडेवारीनुसार, देशातील एकूण कोरोना बाधित रूग्णांची संख्या 4 कोटी 29 लाख 24 हजार 130 एवढी झाली आहे. त्यापैकी 4 कोटी 23 लाख 07 हजार 686 रूग्ण यशस्वी उपचारानंतर बरे झाले आहेत. देशाचा रिकव्हरी रेट वाढून 98.56 टक्के एवढा झाला आहे.
India's daily cases drop below 10,000. The country reports 8,013 fresh #COVID19 cases, 16,765 recoveries, & 119 deaths in last 24 hrs.
Active case: 1,02,601 (0.24%)
Daily positivity rate: 1.11%
Total recoveries: 4,23,07,686
Death toll: 5,13,843Total vaccination: 1,77,50,86,335 pic.twitter.com/Gl5wTCt1r6
— ANI (@ANI) February 28, 2022
गेल्या 24 तासांत देशभरात 119 रुग्णांचा मृत्यू झाला आहे. आजवर 5 लाख 13 हजार 843 रुग्ण कोरोनामुळे मृत्यूमुखी पडले आहेत. देशाचा मृत्यूदर 1.19 टक्के एवढा झाला आहे.
ICMR च्या आकडेवारी नुसार आजवर 76.74 कोटी प्रयोगशाळा नमुने तपासण्यात आले आहेत. गेल्या 24 तासांत 7.23 नमूने तपासण्यात आले आहेत. देशात कोरोना लसीकरण कार्यक्रमाअंतर्गत आजवर 177 कोटी 58 लाख 86 हजार 335 जणांना लस टोचण्यात आली आहे.