Borghat Accident : गॅस टँकरची पीकअप आणि कंटेनरला धडक; चारजण जखमी

हा अपघात सकाळी आठ वाजता ऍपकॉन कंपनीजवळ झाला. भारत गॅस टँकर क्रमांक एमएच 12 आरएन 1167 हा टँकर पुणे बाजूकडून मुंबई बाजूकडे एक्सप्रेसवेवरून जात होता. हा टँकर 39.00 किमी या ठिकाणी पोहचला असता या टँकरवरील चालकाचे नियंत्रण सुटले व तो टँकर ब्रेक न लागल्याने ब्रेझा पिकअप व कंटेनर ट्रेलरला धडकला.

या अपघातात बोलेरो पिकअपमधील चार प्रवासी बाळू गोंडस (वय 23 वर्ष), दीपक स्पीकर (वय 35 वर्ष), कृष्णा गोंडे (वय 10 वर्ष), राम रोकडे (वय 38 वर्ष, सर्व रा. आष्टी, जिल्हा बीड) यांना दुखापती झाल्या. राम रोकडे हा पिकअप चालवत होता.

जखमीना रुग्णवाहिकेने खोपोली येथे (Borghat Accident) उपचारासाठी पाठविण्यात आले आहे. अपघात झाल्यानंतर एक लेन मुंबईच्या दिशेने जाणाऱ्या वाहनांसाठी खुला होती. त्यामुळे वाहतूक कोंडी झाली नाही. अपघातात ब्रेजा कार व गॅस टँकरचे मोठ्या प्रमाणावर नुकसान झाले असून सर्व गाड्या बाजूला काढून तिन्ही मार्ग मोकळे करण्यात आले.