India Corona Update : दिलासादायक ! देशाचा दैनंदिन पॉझिटिव्हीटी रेट 10 टक्क्यांच्या खाली रिकव्हरी रेट 90 टक्क्यांवर
गेल्या 24 तासांत 2,95,955 जणांना डिस्चार्ज
एमपीसी न्यूज – देशात कोरोना संसर्गाचा वेग मंदावत असल्याचे चित्र आहे. देशाचा दैनंदिन पॉझिटिव्हीटी रेट 10 टक्क्यांच्या खाली आला असून तो 9.42 टक्के एवढा झाला आहे. तर, आठवड्याचा पॉझिटिव्हीटी रेट 11.45 टक्के एवढा झाला आहे. दिलासादायक बाब म्हणजे रुग्ण बरे होण्याचे प्रमाण वाढले असून, रिकव्हरी रेट 90 टक्क्यांवर पोहोचला आहे.
India reports 2,08,921 new #COVID19 cases, 2,95,955 discharges & 4,157 deaths in last 24 hrs, as per Health Ministry
Total cases: 2,71,57,795
Total discharges: 2,43,50,816
Death toll: 3,11,388
Active cases: 24,95,591Total vaccination: 20,06,62,456 pic.twitter.com/FMzmoG1yZH
— ANI (@ANI) May 26, 2021
बरे होणा-या रुग्णांची संख्या अधिक असल्याने देशातील सक्रिय रुग्णांच्या संख्येत मोठी घट झाली आहे. देशात सध्याच्या घडीला 24 लाख 95 हजार 591 सक्रिय रुग्णांवर उपचार सुरू आहेत. देशातील कोरोना मृतांची संख्या तीन लाखांच्या पुढे गेली असून, कोरोनाने आजवर 3 लाख 11 हजार 388 जणांचा बळी घेतला आहे. गेल्या 24 तासांत 4 हजार 157 जणांचा मृत्यू झाला आहे. देशाचा कोरोना मृत्यूदर 1.14 टक्के एवढा आहे. तर, देशाचा रिकव्हरी रेट 89.66 टक्के एवढा झाला आहे.
देशात चाचण्यांची संख्या वाढली आहे. गेल्या 24 तासांत सर्वाधिक नमूने तपासण्यात आले. देशात आजवर 33 कोटी 48 लाख 11 हजार 496 नमूने तपासण्यात आले आहेत. त्यापैकी 22 लाख 17 हजार 320 चाचण्या मंगळवारी (दि.25) करण्यात आल्या आहेत. आयसीएआरने याबाबत आकडेवारी प्रसिद्ध केली आहे.
COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes @PIB_India @mygovindia @COVIDNewsByMIB #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/mWvMhV2T5B
— ICMR (@ICMRDELHI) May 26, 2021