Maharashtra Assembly : सासरे आणि जावयाची जोडी चालवणार विधिमंडळ
एमपीसी न्यूज : महाराष्ट्र विधानसभेच्या (Maharashtra Assembly) अध्यक्षपदाच्या निवडणुकीसाठी भाजपचे आमदार राहुल नार्वेकर यांनी शुक्रवारी अर्ज दाखल केला. निवडणूक झाली, तर सरकारसोबत संख्याबळाच्या जोरावर त्यांचा विजय निश्चित आहे. मात्र, विधानसभा अध्यक्षांची निवडणूक बिनविरोध होण्याची शक्यता आहे. विधानसभा अध्यक्षपदासाठी 3 जुलै रोजी निवडणूक होणार आहे.
राहुल नार्वेकर हे महाराष्ट्र विधानसभेचे अध्यक्ष रामराजे नाईक निंबाळकर यांचे जावई आहेत. अशा स्थितीत महाराष्ट्र विधिमंडळाच्या इतिहासात प्रथमच महाराष्ट्र विधिमंडळ, विधानपरिषद आणि विधानसभेची दोन्ही सभागृहे चालवण्याची जबाबदारी सासरच्या मंडळींवर येणार हा योगायोग ठरत आहे. फरक एवढाच, की रामराजे निबाळकर हे राष्ट्रवादीचे नेते आहेत आणि राहुल नार्वेकर हे राष्ट्रवादीतून शिवसेनेतून भाजपमध्ये दाखल झाले आहेत.
कोण आहेत राहुल नार्वेकर?
भाजपचे आमदार राहुल नार्वेकर यांचे शिवसेना आणि राष्ट्रवादीशी घनिष्ठ संबंध असून ते मुंबईतील कुलाबा विधानसभा मतदारसंघाचे आमदार आहेत. नार्वेकर हे राष्ट्रवादीचे ज्येष्ठ नेते रामराजे नाईक यांचे जावई आहेत. नाईक हे सध्या महाराष्ट्र विधान परिषदेचे विद्यमान सभापती आहेत. याआधी राहुल नार्वेकर हे शिवसेना आणि राष्ट्रवादीशी जोडले गेले आहेत. 2019 च्या महाराष्ट्र विधानसभा निवडणुकीपूर्वी राहुल नार्वेकर यांनी भाजपमध्ये प्रवेश केला होता. कुलाब्यातून त्यांनी काँग्रेसचे अशोक जगताप यांचा पराभव करून विधानसभा निवडणूक जिंकली.
Maharashtra Legislative Assembly : भाजप नेते राहुल नार्वेकर यांनी दाखल केला अर्ज
राहुल नार्वेकर हे सुरुवातीच्या काळात शिवसेनेच्या युवा शाखेचे प्रवक्ते होते. त्यांनी 2014 मध्ये पक्ष सोडला आणि राष्ट्रवादीत प्रवेश केला. पक्षातील वरिष्ठ अधिकाऱ्यांमुळे (उद्धव ठाकरे) आपल्याला शिवसेना सोडावी लागली, असा दावा नार्वेकर यांनी केला. राहुल नार्वेकर यांनी 2014 ची लोकसभा निवडणूक (Maharashtra Assembly) मावळमधून लढवली होती, त्यात त्यांचा शिवसेनेच्या श्रीरंग आप्पा बारणे यांच्याकडून पराभव झाला होता.
महाराष्ट्र विधानसभेच्या 2019 च्या निवडणुकीपूर्वी नार्वेकर यांनी कुलाबा येथून भाजपमध्ये प्रवेश केला होता. कुलाब्यातून त्यांनी काँग्रेसचे अशोक जगताप यांचा पराभव करून विधानसभा निवडणूक जिंकली.
