Pimpri Corona Update: शहरात आज 13 नवीन रुग्णांची नोंद, 37 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहराच्या विविध भागातील 13 नवीन कोरोना बाधित रुग्णांची आज (शनिवारी) नोंद झाली. तर, कोरोनामुक्त झालेल्या 37 जणांना डिस्चार्ज देण्यात आला.
कोरोनामुळे सलग पाचव्यादिवशी एकाही रुग्णाचा मृत्यू झाला नाही. ही दिलासादायक बाब मानली जात आहे. आजपर्यंत शहरातील 4 हजार 623 जणांचा कोरोनामुळे मृत्यू झाला. शहरातील 3 लाख 59 हजार 20 जणांना आजपर्यंत कोरोनाची लागण झाली. सध्या 165 सक्रिय रुग्ण शहरात आहेत. त्यातील 125 रुग्ण गृहविलगीकरणात असून 40 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 9 आणि मायक्रो कंटेन्मेंट झोन 376 आहेत. आज दिवसभरात 2 हजार 249 नागरिकांचे लसीकरण झाले. आजपर्यंत 34 लाख 59 हजार 107 जणांनी कोरोना प्रतिबंधक लस घेतली.
