Pune Corona Update : शहरात नवीन 2 हजार 075 कोरोना रुग्णांची नोंद; 5271 जणांना डिस्चार्ज
एमपीसी न्यूज – पुणे शहरातील कोरोना रुग्णसंख्या कमालीची घसरली असल्याचे चित्र आहे. शहराच्या विविध भागातील 2 हजार 075 नवीन कोरोना बाधित रुग्णांची आज (सोमवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 5 हजार 271 जणांना डिस्चार्ज देण्यात आला.
कोरोनामुळे शहरातील नऊ रुग्णांचा आज मृत्यू झाला. आजपर्यंत शहरातील 9 हजार 254 जणांचा कोरोनामुळे मृत्यू झाला. शहरातील 6 लाख 41 हजार 495 जणांना आजपर्यंत कोरोनाची लागण झाली. सध्या 26 हजार 712 सक्रिय रुग्ण शहरात आहेत, यामध्ये आज दिवसभरात 2 हजार 075 नवीन कोरोना बाधित रुग्णांची नव्याने नोंद झाली.
पुणे कोरोना अपडेट : मंगळवार, दि. १ फेब्रुवारी २०२२
◆ उपचार सुरु : २६,७१२
◆ नवे रुग्ण : २,०७५ (६,४१,४९५)
◆ डिस्चार्ज : ५,२७१ (६,०५,५२९)
◆ चाचण्या : ८,७५५ (४३,४५,७९२)
◆ मृत्यू : ९ (९,२५४)#PuneFightsCorona #CoronaUpdate pic.twitter.com/LyDykRhgV0— Murlidhar Mohol (@mohol_murlidhar) February 1, 2022
तर, शहरात आज दिवसभरात 08 हजार 755 नागरिकांची कोरोना चाचणी करण्यात आली. आजपर्यंत 43 लाख 45 हजार 792 कोरोना चाचण्या करण्यात आल्या आहेत.
शहरात कोरोना रुग्णवाढीचा आलेख सध्या कमालीचा घसरल्याचे चित्र असले तरीही नागरिकांनी स्वतःची काळजी घेण्याचे आवाहन प्रशासनाकडून करण्यात येत आहे.
