Kothurne Case : कोथुर्णे घटनेतील आरोपीला फाशीच्या शिक्षेसाठी सर्वस्व पणाला लावू – अजित पवार

या वेळी पवार यांनी सांगितले, की ही घटना अतिशय दुर्दैवी व मनाला सुन्न करणारी आहे. या प्रकरणात कोणताही राजकीय हस्तक्षेत व दबाव होणार नाही, याची पूर्ण काळजी घेतली जाईल. या केससाठी निष्णात विशेष सरकारी वकील व फास्ट ट्रॅक कोर्टात केस चालविण्यासाठी प्रयत्न करण्यात येतील.

घटनेतील हा आरोपी या गावातील असून, त्याने यापूर्वीदेखील असाच एक प्रकार केला असल्याचे ग्रामस्थांनी अजित पवार यांना सांगितले. तेव्हा पवार म्हणाले, की त्याच वेळी त्याला शिक्षा झाली असती तर आज ही घटना घडली नसती. झालेला प्रकार दुर्दैवी आहे. निष्पाप चिमुरडी आता पुन्हा येणार (Kothurne Case) नसली तरी तिला न्याय मिळवून देणे व असे कृत्य करणाऱ्या आरोपीला मरेपर्यत फाशी देणे गरजेचे आहे.

समाजात यामधून एक मेसेज जाईल व असे कृत्य करायला कोणी धजावणार नाही. राज्यात याबाबत कायदा कठोर

करण्यासाठी विधिज्ञांचे मार्गदर्शन घेण्याचे काम सुरू आहे. पीडित कुटुंबाला आर्थिक मदत मिळवून देण्याचा देखील प्रयत्न करणार असल्याचे त्यांनी सांगितले.