Navi Peth Crime : पत्नीविषयी अपशब्द बोलणाऱ्या मित्राला आखाड पार्टीला बोलावून खून

आनंद उर्फ बारक्या गणपत जोरी (वय 32) असे खून झालेल्या व्यक्तीचे नाव आहे. तर, याप्रकरणी पोलिसांनी सुधीर उर्फ बंडू गौतम थोरात (वय 32)आणि संदीप उर्फ शेंडी सुरेंद्र नायर (वय 28) या दोघांना अटक केली आहे. याबाबत वैशाली गणपत जोरी यांनी तक्रार दिली आहे.

पोलिसांनी दिलेल्या माहितीनुसार, मयत आनंद हा बंडू थोरात याच्या पत्नी बाबत अपशब्द वापरत होता. याचा राग थोरातच्या मनात होता. याच कारणावरून त्याने मित्र याला सोबत घेऊन आणि इतर मित्रांसोबत बुधवारी रात्री नऊ वाजताच्या सुमारास आनंद याला आखाड पार्टीसाठी बोलावले. सर्वजण त्या ठिकाणी गेले, दारू प्यायले. इतर सर्व मित्र निघून गेले. शेवटी थोरात जोरी आणि सँडी हे तिघेच त्या ठिकाणी थांबले होते.

त्यानंतर आरोपींनी धारदार शस्त्राने जोरी याच्यावर वार करून त्याला ठार मारले. दरम्यान गुरुवारी सकाळी हा प्रकार उघडकीस आल्यानंतर पोलिसांनी या प्रकरणी गुन्हा दाखल (Navi Peth Crime) करून तपास केला असता वरील दोन आरोपींची नावे निष्पन्न झाली आणि त्यांना अटक करण्यात आले आहे.